Kuku Wa Sosi Ya Ukwaju Wa Kuchomwa Katika Mkaa Na Saladi Ya Orzo

• Vitoweo

  

Mahitajio	Utayarishaji	Kipimo
Kuku (miguu na paja)	Safisha, osha kwa chumvi na siki atoke harufu,  chuja maji	12 mapande
Tangawizi mbichi	katakata, osha	1 kipande
Kitunguu saumu(thomu/galic)	Menya, osha	1 uwa zima
Pilipilimbichi	Osha	6
Pilipili mbuzi	Osha	3
Ukwaju	Roweka, kamua	1 kikombe cha chai
Bizari ya pilau/jiyra/cummin		1 kijiko cha chai
Bizari ya gilgilan/Dania/corriander		1 kijiko cha chai
Bizari ya manjano/haldi/tumeric		1 kijiko cha chai
Ndimu	kamua	2

Namna Ya Kupika:

1. Chanachana  (slit) mapaja ya kuku kwa ajili ya kuingiza masala.

2. Katika mashine la kusagia (blender) weka tangawizi mbichi, kitunguu thomu, pilipili mbichi na mbuzi, bizari zote, chumvi na ndimu.

3. Saga hadi ilainike.

4. Weka kuku katika bakuli umimine mchanganyiko wa masala. Changanya vizuri kuku aingie masala kila mahahli.

5. Roweka (marinate) kwa muda wa masaa mawili au zaidi, huku unageuzageuza akolee pande zote.  

6. Choma katika mkaa hadi aive.

7. Epua kulia na saladi ya orzo

Upishi wa saladi ya Orzo unapatikana katika kiungo kifuatacho:

Saladi Ya Orzo Ya Kigiriki (Greek Orzo Salad)

Kidokezo: 

Unaweza kuroweka tokea usiku ukaweka katika friji, ikiwa unataka kipimo kingi kwa kuongezea vipimo vya masala.